လက်ဝါးပြင်တစ်ခုကို စစ်ဆေးလိုက်ပြီဆိုရင် လမ်းကြောင်းတချို့ပေါင်းစုံပြီး တြိဂံပုံလေးဖြစ်ပေါ်နေတတ်ပါတယ်။ ဒီအခါမှာ နေရာအလိုက် အဲဒီ တြိဂံလေးဟာ တန်ဖိုးရှိတတ်ပါတယ်။ တြိဂံဆိုတာ ဥပမာအားဖြင့် အောက်ပါပုံအတိုင်းဖြစ်နေတတ်ပါတယ်။ ( နမူနာပြထားခြင်းသာ )

 

ဒီတော့ မိမိလက်ဝါးပေါ်မှာ တြိဂံလေးပါလာပြီဆိုရင် လက္ခဏာပညာအရ ဘယ်ဂြိုဟ်ခုံပေါ်မှာပါနေတာလဲ၊ ဘာအဓိပ္ပါယ်ရှိသလဲဆိုတာ စစ်ဆေးရပါတယ်။ ဒီမှာတော့ သင်တန်းပေးနေတာမဟုတ်တဲ့အတွက် အထူးမပြောတော့ပါဘူး။ အောက်ပါပုံအရ သက်ဆိုင်ရာ နံပါတ်နေရာမှာ တြိဂံရှိနေရင် နံပါတ်အလိုက် ယူဆဟောပြောနိုင်ပါတယ်။

1. နေရာကောင်းရမယ်။ အကြီးအကဲဖြစ်မယ်။ ခေါင်းဆောင်ဖြစ်မယ်။
2. လောကီပညာဝါသနာပါမယ်။ ထူးခြားတဲ့ အသိထူးရရှိလိမ့်မယ်။
3. စီးပွားရေးမှာ အထူးအောင်မြင်မယ်။ ကုန်သည်လုပ်ငန်းအကျိုးပေးမယ်။
4. စိတ်တန်ခိုးရှင်ဖြစ်မယ်။ သူတပါးကို အမိန့်ပေးနိုင်သူဖြစ်မယ်။
5. ဖြတ်ထိုးဉာဏ်ကောင်းမယ်။ လောကဓံကို ကြံ့ကြံ့ခံနိုင်သူဖြစ်မယ်။
6. ဉာဏ်ကောင်းမယ်။ ထူးခြားတဲ့ ဦးနှောက်ပိုင်ရှင်ဖြစ်မယ်။ တီထွင်ဖန်တီးနိုင်စွမ်းရှိမယ်။
7. မေတ္တာအားကြီးမယ်။ သံယောဇဉ်များမယ်။ နားလည်ခွင့်လွှတ်နိုင်စွမ်းကောင်းတယ်။
8. အပြိုင်အဆိုင်နိုင်မယ်။ သတ္တိရှိရှိကြိုးစားတတ်မယ်။
9. ဘ၀မှာအတက်အကျများမယ်။ အခက်အခဲကြားက အောင်မြင်မယ်။