ဂဏန်းဗေဒင် ( Advanced )

အနောက်တိုင်းမှာ ဂဏန်းဗေဒင်နဲ့ပတ်သက်ရင် နည်းလမ်းအမျိုးမျိုးရှိကြပါတယ်။ အဲဒီအထဲမှာ အထင်ရှားဆုံးနဲ့ လူသုံးအများဆုံးဂဏန်းဗေဒင်ပညာက Pythagorean Numerology ဖြစ်ပါတယ်။ နောက်တမျိုးကတော့ Chaldean Numerology ပါ။ သူ့ကိုတော့ ကိုင်ရိုမူလို့ မြန်မာမှာ အသိများပါ တယ်။ ခု ရှင်းပြမှာက Pythagorean Numerology မူအရဖြစ်တာကြောင့် အောက်ပါဇယားကိုလည်း မျက်စိထဲမှာ စွဲနေအောင်မှတ်သားထားဖို့ လိုအပ်ပါမယ်။

ပြီးရင် ဂဏန်းတစ်လုံးစီရဲ့စွမ်းအားတွေကိုလည်း ဂမ္ဘီရအလိုအရ ဘယ်လိုရှိမယ်ဆိုတာ အောက်ပါ အတိုင်းဆက်လက် မှတ်သားပေးဖို့ လိုပါမယ်။

1 … အစ၊ ဖန်တီး၊ တီထွင်၊ အောင်မြင်၊ ခေါင်းဆောင်။

2 … သဟဇာတ၊ နှစ်ခွ၊ မျှတ၊ စိတ်နှလုံး။

3 … ဂုဏ်၊ သိက္ခာ၊ ချမ်းသာ၊ ပညာ။

4 … တော်လှန်၊ တိုက်ခိုက်၊ ပြိုင်ဆိုင်၊ တန်ပြန်။

5 … ဆက်သွယ်၊ မြန်ဆန်၊ ပြောင်းလဲ၊ ကာကွယ်။

6 … အလိုဆန္ဒ၊ ကာမဂုဏ်၊ အချစ်၊ မေတ္တာ။

7 … ဘုန်းကံ၊ တန်ခိုး၊ အာဏာ၊ လျှိုဝှက်၊ မြင့်မြတ်။

8 … တုန့်ပြန်၊ တိုက်ခိုက်၊ ချေမှုန်း၊ ထိခိုက်၊ နာဖျား။

9 … ကာကွယ်၊ တိုက်ပွဲ၊ ယှဉ်ပြိုင်၊ အနိုင်လု၊ အနိုင်ယူ။

11 … စွန့်စား၊ ကျော်ကြား၊ အောင်မြင်။

22 … စိတ်ပိုင်း၊ တွန်းအား၊ စွန့်လွှတ်။

ဒါတွေက ဂမ္ဘီရအလိုအရ ဂဏန်းလေးတွေရဲ့ အသုံးဖြစ်ပြီး 11, 22 ဆိုတဲ့ဂဏန်းတွေကို မာစတာဂဏန်းတွေလို့ ခေါ်ပါတယ်။ အစီရင်တစ်ခုခုကို အသုံးပြုတဲ့နေရာမှာ အဲဒီဂဏန်းလေးတွေရဲ့ စွမ်းအင်ကိုလည်း ထည့်သွင်းပြီး စဉ်းစားနိုင်တယ်လို့ဆိုပါတယ်။ နမူနာအသုံးပြုပုံတွေ နောက်မှာပြ ပေးပါမယ်။ ခုတော့ ဂဏန်းတွေရဲ့ အခြေခံလေးတွေ ဆက်လေ့လာရအောင်ပါ။