Palmistry Diploma Course

လက္ခဏာဆိုတာဘာလဲ?

လက္ခဏာဆိုတာ လက်ဝါးပြင်ပေါ်မှာရှိတဲ့ လမ်းကြောင်းတွေ၊ ဂြိုဟ်ခုံတွေ၊ သင်္ကေတတွေ၊ အသားအရောင်တွေ၊ လက်ဆစ်တွေ၊ လက်ဗွေတွေ၊ လက်သည်းတွေ အားလုံးကို အသေးစိတ်လေ့လာပြီးမှ လူတစ်ယောက်ရဲ့ ဉာဉ်စရိုက်၊ ကံကြမ္မာ စတာတွေကို ဟောပြောအကြံပေးရတဲ့ ပညာရပ်တစ်ခုဖြစ်ပါတယ်။

လက္ခဏာပညာမှာ လေ့လာတဲ့နေရာမှာ အခြေခံပညာ သုံးမျိုးရှိပါတယ်။

Chiromancy

လက်ဝါးပြင်ပေါ်မှာရှိတဲ့ လမ်းကြောင်းတွေ၊ ဂြိုဟ်ခုံတွေ၊ သင်္ကေတတွေ ကို အသေးစိတ်လေ့လာပြီးမှ ဟောရတဲ့ပညာ

Chirognomy

လက်ဝါးရဲ့အသွင်အပြင်၊ ပုံသဏ္ဍာန်၊ အရွယ်အစား၊ လက်ချောင်း၊ လက်ဆစ် စတာတွေကို အသေးစိတ်လေ့လာပြီးမှ ဟောရတဲ့ပညာ

Dermatoglyphics

လက်ဝါးရဲ့ အရေပြားအရောင်အဆင်း၊ လက်ဗွေ၊ အကြောယှက်နွယ်မှု စတာတွေကို အသေးစိတ်လေ့လာပြီးမှ ဟောရတဲ့ပညာ

လက္ခဏာဟောပြောတဲ့နေရာမှာ …

• လက်ဝါးပုံသဏ္ဍာန် ( ကျနော်တို့ အသုံးပြုတဲ့ လက်ပုံစံ သုံးမျိုးဖြစ်ပါတယ်။ )
• လက်သည်း၊ လက်ချောင်းများရဲ့အနေအထား
• လက်ရေစာကြမ်းတမ်းမှု၊ နူးညံ့မှု
• ဂြိုဟ်ခုံအနိမ့်အမြင့်
• လမ်းကြောင်းအထူအပါး၊ အကျဉ်းအကျယ်
• လမ်းကြောင်းတည်နေပုံ
• သင်္ကေတအမျိုးမျိုး

ဆိုတဲ့ အခြေခံအချက်တွေနဲ့ အညီ စစ်ဆေးဟောပြောပေးရပါတယ်။

လက္ခဏာပညာဟာ တကယ်တော့ သင်ပြဖို့ တော်တော့်ကို ခက်ပါတယ်။ ဘာကြောင့်လဲဆိုတော့ နမူနာပြပေးရမယ့် ပုံတွေဟာ ထောင်နဲ့ သောင်းနဲ့ ချီနေတတ်လို့ပါ။ အဲဒါတွေကို ထည့်ပြီး မရှင်းပြပြန်ရင်လည်း ပြည့်စုံတဲ့ လက္ခဏာသင်ခန်းစာဖြစ်ဖို့က မလွယ်ပြန်ပါဘူး။ တဖက်က ကြည့်ပြန်ရင်လည်း ကျနော်တို့ဟာ အဲဒီလို နမူနာပုံပေါင်းများစွာကို လိုက်လံကျက်မှတ်ပြီး လေ့လာနေဖို့ အချိန်အများကြီး မရှိပါဘူး။ ဒီတော့ ဒီသင်တန်းမှာ ကျနော်သင်ခဲ့ရတဲ့ Diploma Course ရဲ့မူအတိုင်း လုံး၀ အခြေအမြစ်ကျတဲ့ သင်ခန်းစာတွေကို သင်ပေးသွားမှာဖြစ်ပါတယ်။ အဲဒီသင်ရိုးဟာ ပုံပေါင်းများစွာကို မလိုအပ်တဲ့ သင်ရိုးအမျိုးအစားဖြစ်ပါတယ်။ ဘာကြောင့်မလိုအပ်သလဲဆိုတာကို သူ့ရဲ့ ဆောင်ပုဒ်ကို ကြည့်လိုက်ပါ။

You don’t need to memorize thousand sentences to read a thousand hands. You can read a thousand hands by memorizing a sentence.

လက်တထောင်ကို ဟောပြောဖို့ ဝါကျတစ်ထောင်ကျက်မှတ်နေဖို့ မလိုပါဘူး။ ဝါကျတစ်ကြောင်းကျက်ထားရုံနဲ့ လက်ပေါင်းတထောင်ကို ဟောပြောနိုင်ပါလိမ့်မယ်။